Starfsemi

Stefnir hf. er stærsta sjóðastýringarfyrirtæki landsins með um 400 milljarða króna í virkri stýringu. Hlutverk félagsins er að stýra fjármunum í eigu viðskiptavina með hagsmuni þeirra að leiðarljósi. Stefnir þjónar jafnt einstaklingum sem fagfjárfestum. Félagið var stofnað árið 1996. 

Stefnir hefur á að skipa þaulreyndu starfsfólki með um 10 ára starfsreynslu á fjármálamarkaði að meðaltali. Hjá Stefni starfa um 20 sérfræðingar í fjórum teymum við stýringu á fjölbreyttu úrvali verðbréfa-, fjárfestingar- og fagfjárfestasjóða. Einnig stýrir félagið eignum nokkurra samlagshlutafélaga sem stofnuð hafa verið í kringum framtaksfjárfestingar.

Þróun

Félagið hefur allt frá upphafi verið í fararbroddi í þróun á nýjum tegundum sjóða, jafnt fyrir einstaklinga sem fagfjárfesta. Við þróun og stýringu sjóða er fyrst og fremst horft til hagsmuna viðskiptavina auk þess sem áhersla er lögð á árvekni, yfirsýn og öfluga fagþekkingu.

Traust

Stefnir telur að traust og trúnaður séu lykilforsendur langtímasambands við viðskiptavini. Því er lögð mikil áhersla á heiðarleika í samskiptum og gegnsæi í upplýsingagjöf. Sérstök aðgát er viðhöfð við meðferð trúnaðarupplýsinga, hvort sem þær eru af viðskiptalegum eða persónulegum toga.

Eignarform

Viðskiptavinir Stefnis eiga hlutdeildarskírteini í sjóðum í stýringu Stefnis. Þessi hlutdeildarskírteini eru ávísun á hlut í eignasafni sjóðanna. Eignir sjóðanna eru því alfarið í eigu hlutdeildarskírteinishafa á hverjum tíma. Lögum samkvæmt er eignum Stefnis hf. og eignum sjóða í stýringu haldið aðgreindum í fjárhagsuppgjöri. Varsla á eignum sjóðanna, ásamt útreikningi á gengi, sjóða er í höndum annars fyrirtækis, Arion banka.

Öryggi

Stefnir leggur sérstaka áherslu á öryggi í allri starfsemi sinni. Í því skyni hefur hefur fyrirtækið komið sér upp margþættum eftirlits- og áhættustýringarkerfum sem byggjast meðal annars á skýrum verkferlum, ytri og innri endurskoðun, regluvörslu og sérsmíðuðum eftirlitskerfum með fjárfestingarstefnum. Jafnframt framkvæmir félagið árlega innra áhættumat á helstu rekstraráhættuþáttum. Verðbréfa- og fjárfestingarsjóðir Stefnis lúta eftirliti FME, lögum samkvæmt.

Stjórnarhættir

Stjórn Stefnis er skipuð fimm einstaklingum. Meirihluti stjórnarmanna er óháður Arion banka, en bankinn og tengd félög eru eigendur alls hlutafjár í Stefni. Stjórn Stefnis hefur einsett sér að ástunda góða og vandaða stjórnarhætti. Stefnir hefur hlotið vottun Rannsóknarmiðstöðvar Háskóla Íslands um góða stjórnarhætti frá árinu 2012.

Lögformlegt hlutverk

Stefnir hf. er sjálfstætt starfandi fjármálafyrirtæki skv. lögum nr. 161/2002 um fjármálafyrirtæki. Félagið rekur verðbréfasjóði, fjárfestingarsjóði og fagfjárfestasjóði skv. lögum nr. 128/2011. Auk þess tekur starfsleyfi rekstrarfélagsins til eignastýringar, fjárfestingaráðgjafar og vörslu og stjórnunar fjármálagerninga í sameiginlegri fjárfestingu, sbr. 1.-3. tölul. 1. mgr. 27. gr. laga nr. 161/2002.

Útgefið hlutafé Stefnis er 43,5 milljónir króna. Hlutfallslegt eignarhald skiptist milli Arion banka hf. 99,93% og Gen hf. 0,07%. Endurskoðandi félagsins er Deloitte ehf.  

Rekstrarform sjóða

Allir sjóðir eru reknir af Stefni hf. í stað þess að vera sjálfstæðir lögaðilar eins og þeir voru fyrir gildistöku laga nr. 30/2003. Meiri kröfur eru þannig gerðar til sjálfstæðis og styrkleika rekstrarfélaga en áður var. Í útboðslýsingum sem samdar hafa verið fyrir alla sjóði í rekstri félagsins kemur fram nánari lýsing á starfsemi rekstrarfélagsins en þær má nálgast í upplýsingablöðum viðkomandi sjóða.

Hér að neðan gefur að líta hvaða félög hafa verið sameinuð undir nafni Stefnis hf., kt. 700996-2479:

  • Kaupþing-Eignastýring ehf. kt. 440195-2539
  • Hávöxtunarfélagið hf. kt. 611284-0479
  • Ævisjóðurinn hf. kt. 601097-2579
  • Verðbréfasjóður Búnaðarbankans hf. kt. 700996-2639
  • Fjárfestingasjóður Búnaðarbankans hf. kt. 611299-4949
  • Vísitölusjóður BÍ hf. kt. 670901-3270

Á aðalfundi Stefnis hf. þann 23. febrúar 2017 voru eftirfarandi aðilar kjörnir í aðal- og varastjórn félagsins: 

Aðalstjórn

Hrund Rudolfsdóttir, stjórnarformaður, forstjóri Veritas
Kristján Jóhannsson, varaformaður,  stjórnarformaður Icepharma hf.
Jökull H. Úlfsson, forstöðumaður mannauðs hjá Arion banka hf. 
Ragnhildur Sophusdóttir, lögmaður hjá Arion banka
Þórður Sverrisson, sjálfstætt starfandi

Varastjórn

  • Ásgerður Hrönn Sveinsdóttir, svæðis- og útibússtjóri hjá Arion banka hf.
  • Þórhallur Örn Guðlaugsson, dósent við Viðskiptafræðideild Háskóla Íslands

Meirihluti stjórnarmanna er óháður Arion banka hf., móðurfélagi Stefnis hf. 

Framkvæmdastjóri Stefnis hf. er Flóki Halldórsson. 

Starfsáætlun stjórnar Stefnis 2016-2017
Starfsreglur stjórnar Stefnis

Endurskoðunar- og áhættunefnd

Stjórn Stefnis hefur skipað endurskoðunar- og áhættunefnd Stefnis og er hún starfrækt sbr. 108 gr. a laga nr. 3/2006 um ársreikninga þar sem kveðið er á um að einingar tengdum almannahagsmunum skuli hafa endurskoðunarnefnd sem skipuð skal eigi færri en þremur mönnum.

Nefndina skipa:

  • Kristján Jóhannsson, stjórnarformaður Icepharma hf.
  • Sigríður Guðmundsdóttir, innri endurskoðandi hjá Marel
  • Þórður Sverrisson, sjálfstætt starfandi 

Meirihluti nefndarmanna er óháður félaginu og Arion banka hf., móðurfélagi Stefnis hf.

Reglur Stefnis hf. um framkvæmd starfa endurskoðunar- og áhættunefndar

Starfskjaranefnd

Stjórn Stefnis hefur skipað starfskjaranefnd og er hún skipuð Hrund Rudolfsdóttur, forstjóra Veritas, Þórði Sverrissyni, sjálfstætt starfandi og Jökli H. Úlfssyni, forstöðumanni Mannauðs hjá Arion banka.

Nafn Starfssvið Svið Tölvupóstur
 Anna Kristjánsdóttir  Sjóðstjóri  Skuldabréf  anna.kristjansdottir(hjá)stefnir.is
 Ari Ólafsson  Sérfræðingur    Sérhæfðar fjarfestingar     ari.olafsson(hjá)stefnir.is   
 Arnar Ragnarsson  Forstöðumaður  Sérhæfðar fjárfestingar  arnar.ragnarsson(hjá)stefnir.is
 Baldvin Ingi Sigurðsson  Sjóðstjóri  Hlutabréf  baldvin.sigurdsson(hjá)stefnir.is
 Dýri Kristjánsson  Sjóðstjóri  Skuldabréf  dyri.kristjansson(hjá)stefnir.is
 Flóki Halldórsson  Framkvæmdastjóri  Rekstur  floki.halldorsson(hjá)stefnir.is
 Harald Gunnar Halldórsson  Héraðsdómslögmaður  Rekstur  harald.halldorsson(hjá)stefnir.is
 Harpa Rut Sigurjónsdóttir  Sérfræðingur  Skuldabréf  harpa.sigurjonsdottir(hjá)stefnir.is
 Heiðar Ingi Ólafsson  Sjóðstjóri  Sérhæfðar fjárfestingar  heidar.olafsson(hjá)stefnir.is
 Jóhann Georg Möller  Forstöðumaður  Hlutabréf  johann.moller(hjá)stefnir.is
 Jón Finnbogason  Forstöðumaður  Skuldabréf  jon.finnbogason(hjá)stefnir.is
 Kristbjörg M Kristinsdóttir  Rekstrarstjóri  Rekstur               kristbjorg.kristinsdottir(hjá)stefnir.is
 Magnús Örn Guðmundsson  Sjóðstjóri  Blandaðir sjóðir  magnus.gudmundsson(hjá)stefnir.is
 Per Matts Henje       Sjóðstjóri  Hlutabréf  per.henje(hjá)stefnir.is
 Tómas Karl Aðalsteinsson  Sjóðstjóri  Hlutabréf  tomas.adalsteinsson(hjá)stefnir.is
 Trausti Jónsson  Sjóðstjóri  Sérhæfðar fjárfestingar  trausti.jonsson(hjá)stefnir.is
 Vigdís Hauksdóttir  Sérfræðingur  Rekstur     vigdis.hauksdottir(hjá)stefnir.is
 Vilhjálmur Vilhjálmsson  Sjóðstjóri  Skuldabréf  vilhjalmur.vilhjalmsson(hjá)stefnir.is
 Þorgerður Arna Einarsdóttir  Sjóðstjóri     Sérhæfðar fjárfestingar      thorgerdur.einarsdottir(hjá)stefnir.is
 Þórhallur Hinriksson  Sjóðstjóri  Sérhæfðar fjárfestingar  thorhallur.hinriksson(hjá)stefnir.is

Til að sinna hlutverki okkar og styðja við áherslur höfum við eftirfarandi kennisetningar að leiðarljósi:

Árangur í krafti kunnáttu

Styrkur okkar felst í öflugri samsetningu þekkingar, reynslu, faglegra stjórnunarhátta og faglegrar stýringar sjóða. Vönduð vinnubrögð, ábyrgð og áreiðanleiki leggja grunn að árangri til langframa.

Þannig stöndum við traustan vörð um hagsmuni viðskiptavina.

Metnaður til að skara fram úr

Við erum framsækin, áræðin og kraftmikil og förum hiklaust nýjar leiðir að settu marki. Frjó hugsun, metnaður og fjárhagslegt bolmagn leggja grunn að forystu okkar í þróun nýrra fjármálaafurða

Þannig sköpum við mikilvæg sóknarfæri til að skara framúr í þágu viðskiptavina.

Samtaka í sterku liði

Verklag okkar einkennist af skýrt mótaðri teymisvinnu, gagnkvæmri virðingu og góðum liðsanda þar sem við styðjum hvert annað í starfi. Við erum þekkt fyrir vel ígrundaðar ákvarðanir sem við endurskoðum markvisst og metum á nýjum forsendum.

Þannig hámörkum við samvirkni öflugrar liðsheildar til að tryggja viðskiptavinum afburða þjónustu.