Frétt

15. maí 2017

Anna Kristjánsdóttir nýr forstöðumaður skuldabréfa hjá Stefni

Anna Kristjánsdóttir hefur tekið við starfi forstöðumanns skuldabréfa hjá Stefni. Anna er einn reynslumesti skuldabréfasérfræðingur landsins og hefur starfað við stýringu skuldabréfa frá árinu 2002 þegar hún hóf störf hjá Búnaðarbankanum Verðbréfum. Hún hefur því starfað hjá Stefni og forverum í fimmtán ár og þekkir vel til allra skuldabréfasjóða félagsins. Skuldabréfateymi Stefnis stýrir fjölbreyttu úrvali sjóða sem samanlagt eru yfir 230 milljarðar að stærð. Um er að ræða opna sjóði sem seldir eru til almennings og fyrirtækja sem og sérhæfða fagfjárfestasjóði.

Anna er viðskiptafræðingur frá Háskólanum í Reykjavík og hefur einnig lokið prófi í verðbréfaviðskiptum. Í sumar mun hún útskrifast með meistaragráðu í fjármálum frá Háskóla Íslands.

Jón Finnbogason sem gegnt hefur starfi forstöðumanns skuldabréfasviðs frá árinu 2013 tekur á sama tíma við nýju starfi forstöðumanns lánaumsýslu hjá Arion banka hf.

Til baka

Fleiri fréttir

13.september 2017

Stefnir með bestu eignastýringu á Íslandi

Stefnir hefur verið verðlaunaður af breska fagtímaritinu World Finance Magazine fyrir bestu eignastýringu á Íslandi á sviði skuldabréfa. Í umsögn um verðlaunin...

04.september 2017

Nýr starfsmaður í skuldabréfateymi Stefnis

Sævar Ingi Haraldsson hefur verið ráðinn sem sjóðstjóri í skuldabréfateymi Stefnis. Sævar hefur frá árinu 2015 unnið hjá Fossum mörkuðum hf.

02.ágúst 2017

Stefnir – Erlend hlutabréf -ISK og -EUR og Stefnir – Scandinavian Fund sameinast

Verðbréfasjóðirnir Stefnir – Erlend hlutabréf –ISK og –EUR og Stefnir – Scandinavian Fund verða sameinaðir þann 31. ágúst nk. undir nafni síðarnefnda sjóðsins...